中年遊

去完大澳，第二天就去南丫島，不過這次是和舊同學去，不用再做不負責任導遊。

貪免費船，所以決定天虹午餐，最方便我的是不用過海就有船入南丫島。


維港張保仔
天虹的船又快又搖，坐在樓上食埋海風，真係暈船浪


坐下先送來幫襯的必然小食，螺肉好味，賺錢得黎都算幾有誠意


次次大蟶子都係蒸，我都係第一次食炒大蟶子，夠鍋氣夠爽又香口，好味！


一般蝦蟹我都唔食，不過有同學想食，我都湊湊熱鬧食番隻，又真係幾好味！

我道︰「d椒鹽好咸呀！」
姐姐說︰「係要咁咸先入味架麻！」
又係喎


我想食的，只是相比之下無咁出色


有同學仔想食咕嚕肉，可惜廚師煮前忘了洗鍋，不然比大澳更好味

仲有例牌的椒鹽鮮魷和炒蜆，不難食，招牌炒飯都不錯，只是白x生菜大量美極，咸得濟

席間同學仔帶了單鏡反光機，試玩了一下，拍出來的相的確比傻瓜機靚很多，立刻心動…


有圖為証，立刻覺得G9好爛！不過同學仔那部nikon相機偏colourful，要買我還是會支持canon

來到我才想起南丫島的風力發電風車，有海鮮食有靚景有山行山拍照景點，其實我亦應該極力推介外地朋友來這裡。

連續兩天郊遊，累透！