中年遊

感覺悶到暈的星期六，凍冰冰都要番工，慘！
邊有心機做野？連扮做野都無心機，索性去後樓梯煲煙


開o左少少窗都凍到暈


是日下雨，凍上加凍，影唔到d雨，唯有影流水...


總不能煲成朝煙，番office玩facebook


呢期想整個playlist，07演唱會的Best Playlist，每一首歌係十場中選唱得最好的一晚，同一首歌聽足十次，慢慢"西"走不好的，唔知到Live CD推出前選好未呢？


收工之後一個人去mk shopping，一個人lunch，隨便選了間舊式茶餐廳，鐘意d舊野...


呢期鐘意食咖哩xx飯，睇個咖哩水汪汪咁賣相好差，但食落好好味，點都好過屋企樓下間銀虫集團茶餐廳，四十二蚊一個咖哩餐，d 咖哩只係葡汁加辣油，十個劣，呢樹真係咖哩，好香，最正係連飲品三十元正，為o左d汁我想添飯呀！


其實MK不是我喜歡去的地方，人多擠迫你撞我撞你，好煩！下雨天尤甚，匆匆買要買的即閃lu！上次買完相機歸家才醒起無送套，家附近都沒合心水的，唯有出mk買啦，今日買o左，終於可以帶相機出街啦！


母親大人話想買八珍的仁稔醬，記得旺角有八珍，同d師奶係舖頭到逼逼逼！


2008年說過不再買任何ＳＬ以外的CD，王菀之方大同劉若英新碟都無買…今日終於破戒，支持了有金亦有心o既Juno，初聽新碟好悶，但愈聽愈覺得正，吃鯨魚的人聽得我很沉重…

(P.S.其實我會支持奶茶的，但我想等下會唔會有MV DVD第二版？今次D MV仲搶過D歌...)


落雨濕濕實塞車，為免遲到我會犧牲自己坐地鐵o既，雖然近來開會流行遲到。


近來的議題，嗯…家陣d 野真係比想像中貴o左好多，咁係咪仲值得呢？我寧願加多少少錢睇多次07演唱會。


夜晚做節，嘩！鮑魚....螺湯呀！


飯後，都係飲杯茶最正氣！(P.S.隻杯係Live 07時Emax買的....)