中年遊

昨晚做節時姐姐的密友送來年糕與蘿蔔糕，變了今天的午餐，年糕甜耶耶蘿蔔糕無蘿蔔味只有味精，仲有又肥又唔好味o既臘肉係入面，有無攪錯？不過街買o既係咁架啦~

我其實幾like食蘿蔔糕，但母親大人已有好幾年都唔肯整，今年我話我整呀！

就係今日整
白蘿蔔六斤，又話五斤o既？母親大人話我刨完咪變五斤lor，無言…


粘米粉一包，我仲以為係用鷹粟粉or麵粉架添...


刨皮後，賣相都唔係好差o者，係刨得厚o左少少o者


再刨成絲，對上一次對呢個動作已經係小學時代


其他材料有臘腸與蝦米，見到都驚，臘腸真係好肥！點解唔落冬菇o既？落o左冬菇d糕唔擺得耐喎，哦！


煮熟d蘿蔔後慢慢加入粘米粉攪埋一堆


咁上下加埋d粒粒


攪完啦，但好樣衰喎


阿媽教用個鍋鏟掃平佢就好睇d啦


慢火蒸一小時，完成！


無無聊聊，搵隻曲奇仙聽下先，前排見特價，為了Kary而買。Kary以後都要做搖滾女皇，咁呢個造型係咪可一不可再了？雷生做o既呢隻碟其實都幾好聽，嘈嘈閉又唔洗用腦聽。


除了Kary，其他三個餅女個樣咁似樣o既，真係唔多識分邊個打邊個


試食先，好味~~新年整多底都好喎