中年遊

近排hit到爆o既鮑魚風暴，雖然我正正式式睇過一集咁大把，但聽人講睇報紙唔洗自己親眼睇都知哂d劇情，爭o黎爭去，究竟有乜好爭呢？世事都係咁，有利就會出現衝突。想想自己1997年已經開始上網，其間都主動被動間接無意地認識認知不少ＳＬ 歌迷，關於ＳＬ 歌迷間的事，經歷過聽聞過見證過的愛恨情仇都不少不少，來來去去還不是為了爭什麼爭什麼，爭偶像的歡心爭偶像的物品爭愛情，當然亦有人好似阿舅父波咁係樹攪是攪非無風生浪啦，萬變不離奇中，世界大同。

要寫，真係可以出本書都得！

下雨天，入到新界雨更大
落雨依然要燒雞翼，好似唔燒唔心死咁

又開餐啦


家姐附近的壽司店，三蚊一件好鬼抵，唔難食不得止仲OK好食喎，難怪排哂長龍，其實我最鍾意食都依然是小新壽司
順便買枝

近來好喜歡聽艾姐的童年，小時候總是盼望長大，長大以後又盼望回到小時候，人又怎能回到過去呢？擁有過的童年、人、物、事失去了就從此失去，回不了從前，只有聽歌來懷緬一下吧！

再見童年再見昨天再見擁有過的再見了這一頁，新的一頁又開始了！

收到三封利是，加加埋埋仲多過新年利是錢^^

曾經講過五月要對自己好點，好少睇演唱會的我，巧合地今個月會看魚看燕看貞，繼續台pop獨大！

聽到偶像入圍台灣台灣金曲獎最佳國語女歌手獎，今次又是再戰張惠妹，會不會再次輸給阿妹呢？還是最後贏出者是菜101010?再看看入圍名單，蘇打綠+小宇宙專輯+林暐哲+小情歌竟然有七項提名，尤其小情歌這麼爛…

FC Meeting


望落好認真咁做野喎
小圈子會議

與le& ac看蜘蛛人3，之前online預訂了戲票，$65+6(手續費)一張好x貴，又話Manhattan咭有九折和免手續費，但大片暫停優惠，不過我都讚成不鼓勵看大片，人一多又會出現自私精騎呢怪，講電話、電話響不停、大大聲同電話另一邊講「我睇緊戲呀！」、大大袋膠袋入場開餐，還要兩個人不停地用手用口研究那杯飲料屬誰的，膠袋停不了嗦嗦聲響，大大聲地食爆谷，小朋友好動症，亦好奇心強烈地問阿媽問題！下次不要看首輪猛片，Manhattan是對的，不鼓勵入場看，之前話明不看蜘蛛人又看，注定犯賤！

入場才想起第二集都未看…

今集兩個多鐘，多了文戲，自我人魔之爭，我只想起Juno Poor U，後半部聽到好多座位吱吱聲，好多人都看得不耐煩吧！我就諗魔盜3會好看d啦！

曾經...
如今...


香港已沒有摩天輪了，路過天馬艦發現摩天輪只拆剩一半。

29 Apr.同FC一齊bbq，好彩Ｙ開車去，咁我又有車接送啦，最正係坐佢車又可以係咁煲煙。佢已經好少用架車，所以我估佢實無ＳＬ聽啦，我好神心咁燒咗隻ＳＬ精選聽吓，隻碟我好認真咁選歌，不過唔知點解最後變咗都市精選咁…

Ｙ問我洗唔洗接埋失蹤咗好耐的D喎，我話你鍾意啦，不過我心估佢都唔去多，連最想見佢果個人都可以話失蹤就失蹤，我地都唔會有乜機會再見到呢個鍾意出現就出現但出現又無乜建設性唔出現又唔會單聲的所謂幹事啦，哈哈~接埋N小姐，A小姐同佢仔仔後就準時到達小欖燒烤樂園，去到時另一車人已經到咗仲入埋去，我地係門口想入場時有個女仔問我地係咪歌迷會，我認得佢個樣啦，其實好多歌迷我都唔識但係演唱會、簽名會、ＳＬ的活動等撞口撞面來來去去都係果D人都認得好多係咪歌迷啦，原來她在門口等我們，我都奇怪阿會長做咩入咗去唔係樹等人，佢話D人黎度就會CALL佢喎，傻架比d誠意係門口迎下賓都好啦，已經好難得有人黎，所以我成日話，想識歌迷的一早已埋哂堆，會再黎的都係想見偶像，咁無偶像出現的so called聚會仲需唔需要呢？

最初四月份的gathering話bbq係我諗的，純粹係我好想bbq，今日好有心機燒，所以係咁燒雞翼，上次m小姐燒過隻比我真係燒得好好味，有個standard比我跟，燒到又脆口又無燒焦為之正呀~

第一次幫阿bu沖涼，有那隻狗喜歡洗澡呢？阿bu驚到靠牆站，反而更方便我幫他洗白白，一個苦口苦面可憐樣也沒辦法逃開濕水的命運。

由出世到現在都被寵壞了小狗子，是時候學乖了！

不知不覺即將要開show了，好期待第一次看fish的演唱會！有很多歌都希望她會唱，看海計劃、sunrise、接受、別人的天長地久、我還記得、不是我不明白、下一秒鐘、不想睡、第三者...etc。

記得曾在網上聽過n年前她香港mini concert唱ＳＬ的歌，忘了是「依…」還是「沒有你…………」，今次會不會也唱首ＳＬ的歌呢？

(取自一期一會blog照片)

好明白今時今日的演唱會舞台劇音樂劇都需要賣一堆物品來賺更多的錢，file $20，海報$20，ost $90都可以接受，肉酸tee各賣$250…無言…

三絲炒銀針粉，蒜心、芽菜和叉燒，媽媽煮的
生菜魚肉粥，小時候最怕吃菜粥，有那個小孩會喜歡吃有疏菜的東西？曾經在街上看過有個媽媽親自幫兒子弄走漢堡包上的菜絲，小孩子確實被媽媽寵壞了。

媽媽煮的，由小到大，晚餐一定是飯，只有lunch才會不同款式，粥和炒面，可以是白粥潮州粥菜粥咸瘦肉粥...etc，炒面炒米粉炒河粉炒上海麵...etc，還有湯麵，湯河湯米湯上海麵瀨粉...etc，自家製雲吞水餃粉果叉燒包糯米飯...etc，可惜自大百佳出現後，已經變得很少款式了！

有人話過封面步姐的這一滴淚，代表都市人的寂寞…

那時同學仔無啦啦話借我聽，聽過覺得不錯聽，就自己買了張，其實我覺得成隻碟都好似聽緊同一首歌咁，每當自己感到煩惱又不想諗野時，就會拿這張碟出o黎，嘈吵的音樂，煩到自己不會諗野~~

荃灣對我來講，比入元朗更遠，或者是交通的問題，巴士慢，好像只剩地鐵這個選擇，十幾廿個站，我還是寧願遊巴士河。又好像去荃灣都會把肚子填得滿滿，上次來一口氣吃了兩個lunch，今次燒烤又怎會填不滿肚子。


A小姐家BBQ，今次正經完後才玩比上次好喎，起碼不會玩"創"個心啦。
好靚的紙巾套

近排好鐘意孫燕姿的逆光，初初聽只是一首好普通o既台pop song，但聽下聽下唔知點解愈黎愈鍾意，或者係因為鍾意歌由逆境中走到光明o既感覺，人，生活總需要有希望先可以勇敢生存。

呢排有好多地方想去好多事想做，如果要等人陪我去不知要等到什麼時候先做到呢？風在催促著我，再也不能等待，再也不願等待了，是時候成長，是時候學會獨立！

因為勾起了聖鬥士星矢，這天突然想到小時候有買過星矢系列的聖衣，於是從櫃子裡找回小時候的玩具，小時候的玩具不算很多，最愛買巴士玩具，然後是那套動畫流行+自己沉迷就會買，迷聖鬥士星矢時就買了四套青銅聖衣，（獨欠最討厭的星矢），一輝是最喜愛的角色所以那時常有拿出來玩。


原來保存得不錯，只有少許油漆脫落…

很少在blog提起曼聯，其實我勁鍾意看曼聯，昨日曼聯歐聯八強賽，now無裝體育頻道所以無得看，唯有朝早起床立刻開電視看賽果，曼聯贏了，而且大比數七比一數羅馬，難以相信的賽果，然後好後悔無裝體育頻道看…喜歡曼聯不算很長歷史的事，追溯到99年，姐姐愛看曼聯（或者是碧咸的關係？！），那年被迫目睹曼聯的三冠王過程，尤其歐聯的落後一比零加時連入兩球反勝奪冠，頓時覺得好神奇，從此就愛上看。

沉寂數年，今年最有機會重奪英超甚至再一次三冠王，但願如此吧~

每年暑假都是商業大片的世界，其實我很少未上映前留意有什麼片上映，只知今年有蜘蛛俠3和魔盜王3。或者因為暑假檔期好好賺，所以好似每年愈來愈早開檔般，現在已經預售五一蜘蛛俠3的票，會不會太誇了？

1和2集都是看碟，沒打算入戲院看3，而魔盜王，其實1和2都是看碟的(哈!)，不過打算入戲院看3，其實魔盜王幾我的杯中茶，海盜、冒險、fantasy，好像one piece真人版般，外國5月25日上，香港呢？