中年遊

張震嶽的唱片和音樂都隨著他的年齡與心態改變，當兵後的年輕把妹歌到對社會對人的憤怒，寂寞的自卑，到現在成熟地對說聲一個人也ok。

《OK》繼《無路用的人》後，同樣是一首普通人都rap得到的歌，而OK就好像正正回應無路用的人一樣，三年前《無路用的人》，失戀了怨天怨人怨自己，寂寞的人彷如無路用的人，三年後《OK》已不想裝的很可悲來讓人家安慰，寂寞已很OK，一個人OK，習慣就OK！

正面與負面，你會選那面？

與舊同學K，又是好耐無見，無見一排傾d乜？細我幾年的同學仔又係樹講做緊邊行、公司做D乜，事業上的話題，好悶，我自己同自己合唱無人識唱的山歌。又唔知傾乜玩具廠，我唱第三身，同一個好明顯無聽過首歌只係亂唱的人合唱四人游。無Sodagreen老翻、無方大同愛愛愛蘇麗珍老翻、無陳綺貞旅行的意思老翻、無陳昇梁靜茹新碟老翻的呢間neway究竟係邊個選o架？好無癮！同學仔好似連股票都玩埋，我心諗你玩股票，我玩Wii，我地真係兩個世界的人！

之後話下次出o黎做咩，八月BBQ？無問題我最鍾意燒雞翼，熱到中暑我都唔介意，但話搵埋今日無出現的W小姐，唔洗問都知佢唔會去啦，再話釣墨魚，要坐船搖下搖下佢一樣無興趣，幸福太太只會肯正正常常咁同你地食餐飯，其他所有活動免問啦！結果比我估中o左，哈…

亦有人好唔識做咁問R先生叫埋佢o既XGF出黎佢介唔介意喎，咁尷的問題點會問得出o架，想當初他們分手時各自的分手版本就知佢地係不能再共存架啦，我唯有做下衰人話佢去我先唔去，你想叫人點答你呢？要表面扮大方麻…

Mario Kart要等到零八年第一季先出，在這之前玩類似的Donkey Kong Taru Jet Race頂住癮先都唔錯呀，不過Donkey Kong非賽車而係賽飛...喪咁搖左右手remote黎加速或左右移動，真係玩到人都癲

真正的賽車game不太適合我，我比較喜歡玩類似孖寶賽車式的冷Q又可以整鬼其他對手的不認真賽車game。如果可以2P或以上就更開心更好玩啦！

雖然話過無乜興趣睇一期一會，但最後還是看了尾場，繼你今日同梁祝後，又係一套長得不耐煩的劇，又要問洗唔洗一定要做三個鐘呢？其實減去很多不必要的劇情會好睇好多！也終於知道為什麼很多人都喜歡亮太，這個角色代表了自己喜歡卻又失去了或者沒擁有過的人，想起齊豫的最愛，沒有擁有過的才是最美的，因為人們都愛美化回憶，於是沒有擁有過的人會變得比本來更美好，思念真是一種病…

一期一會，一開始就錯哂，自閉症係咁架咩？自閉症不是害怕接觸人類，而是根本沒興趣及不需要接觸，害怕接觸的所謂自閉，只係香港人用o黎笑人自閉的誤解。而自閉症同時亦有語言障礙，點解劇裡兩個自閉人講說話都咁流利？

呢一日約o左台灣朋友一齊Wii。
先玩網球。

(From AM730)

今朝睇新聞，Wii遲d會出Wii Fit，比Wii Sport更多運動game，連掌上壓同yoga都有真係痴痴地，呢隻game擺明要玩家對住部Wii做運動減肥，有無效就未知，但肯定當打機咁唔會悶過齋做運動啦…當然要加個Wii Balance Board先玩到，唔知呢塊野幾錢呢？
呢塊野肥人踩上去係咪好快壞架先？

人生第一次學人上網，不久後就找到歌迷網上的聚腳地，包括newsgroup與chat room，聊聊關於偶像的及一些無聊生活瑣碎事，那年上網未算十分普及化，所以網上的歌迷不算很多人（現在亦不算很多吧?!），人少比較容易混熟。不久之後，有人提出成立網上歌迷會，取名「連成一線」，有偶像的名又有因網絡而組織起來的含義，第一件事是做網上歌迷會網頁，所以約出來開第一次會。

雖然網上聊過一段日子，但還是第一次見面，熟悉的陌生人們，第一次見的除了我之外有幾位女生和一個男生，為免第一次見面的靦腆，我選擇說話比較嬉皮笑臉，但自問說話沒有失方寸得罪任何人，誰知那位男歌迷突然站起來面向我說︰「你再係咁我十分鐘後就打你呀！」

好驚，講笑都唔得？全場氣氛即時勁尷，我亦不敢再講笑啦…

一直都幾鍾意One Piece，海盜冒險+友情+感人劇情幾合自己胃口，但唔知點解漫畫睇到空之島就無再追落去lu…

偶然發現Wii有出one piece o既game，咁就緊係要玩下啦，玩下玩下無再沉迷網球變o左沉迷One Piece Unlimited Adventure。打下壞人練下功，叫做解下任務先可以過關繼續玩落去，雖然日文game真係唔知要點解d任務，估下估下亂撞暫時都比我過到，再玩落去可能要睇攻略先識玩lu，不過第二世界個長頸鹿怪真係好難打…

家陣每日臨睡前都打陣機+Feist(夜闌人靜時聽真係好正)，雖然我諗無人會邊聽呢隻碟邊打機咁錯配，但呢一下卻係我07年的Utopia。

這一天再去蓮香樓飲茶，唔知係印象記錯還是質素變差了，d點心已經唔算好食，不過黎呢樹玩下個茶盅飲下個情懷，hae足一個早上已經值回票價啦！

好明白與朋友相聚的時光會隨著年齡的增長工作朋友愛情等種種的原因，可以由以前周周見到月月見到一年兩三次，或者，這就是成長的代價吧？

這陣子很不願出街，基本上沒要事我不便願見任何人，因為要…

唔知點解當心情跌入谷底，好想扮灑脫咁要自己好快咁堅強地站起黎時，就會諗起莫文蔚o既《幻聽》，或者就係因為呢句「馬上爬起身又再做人」。

原來世界這樣大，人類的興趣(or 僻好)可以有這樣廣！

(注: 我只是因工作關係才偶然接觸這些咸碟，無買呢隻咁o既o野o黎o架...)

精選裡最喜歡的一首「新」曲，2000年C.A.S.H.流行歌曲創作大賽冠軍作品，夠口是心非的一個歌名…

如果只是一場誤會，到底有什麼值得可悲的呢？卻又為什麼為自己找一堆藉口令自己變成受害者呢？

今年已不是第一次落水，只是今日剛巧好好太陽，終於變了朱古力人！

其實很討厭人多，游兩下又是人游多兩下又是人，不過我有選擇嗎？難度為了避人群請大假去游水嗎？

這天偶然之下來到這裡，經過這間茶餐廳，不期然走左入去，叫番上次食個o既o野…上一次坐在這裡，上一次的意亂情迷後，一個人坐在這裡醫肚，心裡在想沒有愛在內的，真係唔係幾適合我…

奶茶劉若英除了演戲唱歌之外，間中也會出書，雖然奶茶vs奶茶，演戲事業最成功，然而我最喜歡的是唱歌的奶茶，其次是她的書，總覺得她用字雖簡單但流暢，而且帶點幽默。

二千年《我等你》專輯（即「後來」那張碟），那期滾石興出大大盒boxset，奶茶這張碟亦不倒外，裡面送了一本奶茶日記本，裡面偶然會有奶茶寫的幾隻字，很喜歡第一頁，尤其是「還有除了我以外，偷看這本日記的人都會倒楣，死掉。」，真係好鍾意佢！

一個月一次例會，會前我話點都飲番個茶先啦！

是日例會是史上最少人出席的會，我諗大家再一次熱情冷卻掛？唔知幾時正式玩完呢？其實一開始就不應該成立，成立了又唔洗迫自己做咁多o野o者，當初夜色無邊後無錯歌迷們都熱情難退，果陣攪聚會真係做到個歌迷互相認識的功能，但慢慢地，要識的識哂，各自埋哂堆，要反面又反哂，分裂重組分裂重組，咁家陣做咩仲要攪聚會呢？結果又係搵自己黎攪，除左我地d so called幹事自己去，仲有幾多人有興趣呢？唔該唔好再提議攪聚會啦！
生日咭稿，用團連相我由一開始就反對，有呼吸d相咁靚唔用要用團連d相，所以我一知道用團連相之後就話唔好問我意見啦！

這一個晚上，回到以前常去的這個燒烤場，今日人不多，雖然熱，但海風追來彷彿已到微涼的秋般，舒服的一個晚上。
每次來到這裡都會拿一大碟菠蘿，其實只是罐頭菠蘿，我又不算很愛吃罐頭菠蘿，但點解來到這裡就會吃一大堆呢？最後無聊拿來燒，燒菠蘿唔難食喎…

聽同事講法LA今日現身公司office，唔怪得突然間咁多同事借d 意係咁係conference room門口行o黎行去啦，應該係鮑魚風暴帶契佢不停接job，連呢間咁o既公司都搵佢做model影相。

到佢踏出會議室門口到行出公司門口，全場男同事企起身目瞪口呆視線跟住佢行，真係有咁大吸引力咩？

我心諗我係咪都要做下戲望佢兩眼呢？