英皇力谷實力女新人泳兒，聽過之前話好hit的《感應》，不過不失，不算是很差亦無話好鐘意，上星期唱k順道點了另一首忘了歌名的新歌不錯聽喎…這幾天電視不停地感應唱片廣告，好似迫人對泳兒有感覺咁，令我開始猶豫好不好支持一下她？！
前陣子立定決心戒買影音產品，當然某些歌手例外，這次會否為她而破例呢？考慮當中！
一生之中，看過的景物、認識過的人、做過的事、閱讀過的書、愛過的人、恨過的人、甚至跌過的交...
也許只是一生中唯一的一次，珍惜每一個際遇。
也許只是一生中唯一的一次，珍惜每一個際遇。
- Jul 26 Wed 2006 21:49
感應到嗎？
英皇力谷實力女新人泳兒，聽過之前話好hit的《感應》，不過不失，不算是很差亦無話好鐘意，上星期唱k順道點了另一首忘了歌名的新歌不錯聽喎…這幾天電視不停地感應唱片廣告，好似迫人對泳兒有感覺咁，令我開始猶豫好不好支持一下她？！
前陣子立定決心戒買影音產品，當然某些歌手例外，這次會否為她而破例呢？考慮當中！
- Jul 26 Wed 2006 21:45
愛，折磨人的東西
看罷《深沈的愛》，果然是本陰暗的書，不知算不算是本愛情小說，如果沒有愛的出現，大概主角的下場不會這麼慘，愛，的確是折磨人的東西！
黑暗裡的一道光出現，卻原來只是引領到更黑暗的世界，有時候自己也會懷疑這世界算不算美麗？
- Jul 25 Tue 2006 21:45
莫名奇妙
莫名奇妙下了一場大雨，之後又出番太陽，個地又好快乾哂，番屋企睇新聞先知落雨果陣某d地區仲落冰雹，呢個究竟係咩世界？莫名奇妙地聽到某d人o既說話，真係好難聽，你地之間o既仇恨，點解要我呢個中間人聽呢？咁想串人咪自己直接同人講lor，呢個世界d人究竟係點架？唔通真係好似我睇緊果本書咁，世界o既人都係咁醜惡？
不過想想，其實我自己都係咁o既人…
不過想想，其實我自己都係咁o既人…
- Jul 24 Mon 2006 21:45
夏祭
結果今年還是去了書展，夏日炎炎一大堆汗人困獸鬥，每次都跟自己講︰「今年是最後一年」，但每年總是去了，不管約人被約自約…
每次都想問，香港人真有那麼愛閱讀嗎？
亦每次都好想問那堆坐在地上看書的人，為什麼要坐在這裡看書呢？你們剛買的書真有那麼吸引嗎？
- Jul 21 Fri 2006 21:49
講是非？
尋日WHC突然搵我dinner，偶然我都鍾意呢d即興活動o既，席間好多是非聽，這位朋友表面雖然唔係孿到爆，但識得佢o既人都一致通過係自己人，不過，當事人一直否認！
但，我未見過直人會咁鍾意講是非架喎?!
但，我未見過直人會咁鍾意講是非架喎?!
- Jul 20 Thu 2006 21:51
那年夏天 寧靜的海
那年夏天，駛向海邊的火車，身在地獄卻感覺上了天堂，來到了陌生的國度，藍天白雲，海是多麼的籃，海鮮好鮮，陌生人很友善……
我以為從此我會戀上海風，愛上夏天，愛上海，愛上這個陌生國度，到頭來才發現所有的從此都只是一場美麗的誤會！
- Jul 20 Thu 2006 21:49
XBF
某日係屋企附近商場行果陣，見到有班信用咭人係度sell信用咭，我生平至唔鍾意理呢d sale野o既人，唔係憎佢地，只係唔該唔好煩我。見到果班sale咭人，突然諗起以前識得有個人，最鍾意"洪"埋去同果班人搭訕，但永遠無幫襯，而我就好不耐煩咁企到老遠咁等人搭訕…
當現在式變為過去式之後，原來，果次係我第一次諗起人……
當現在式變為過去式之後，原來，果次係我第一次諗起人……
- Jul 20 Thu 2006 21:45
他他她
年青時代，夏天，Eternal Summer，告別年輕，Once Upon A Summer Time。不用看電影介紹就知是部年輕輕他他她三角愛情故事，女主角原來是由楊淇飾演，以前看203040時覺得這個小女生好搶鏡好會演戲，惜後來hocc玩哂的梁祝下世傳奇苦無機會，今次這一部戲會演得怎樣呢？
雖然沒有太留意楊淇演過什麼戲，但以我所知的，都與蝴蝶斷背有關，有趣~~
- Jul 19 Wed 2006 21:45
Once Upon A Summer Time
7月23日，農曆六月廿八日，大暑，將會比現在更快熱死，不能不承認夏天已來臨。今年仲夏，呆在公司發呆偷寫blog，某年仲夏，呆在家中發呆，某年仲夏，台灣，今年仲夏再次台灣？天知道會否有什麼狀況出現？！每年仲夏，書展，今年會是例外嗎？想想去年書展買的書還在封塵中，今年還敢不敢胡亂買呢？
某年仲夏，看海……
某年仲夏，看海……
- Jul 18 Tue 2006 21:45
無言
據有留意台北演唱會票房的歌迷說，目前第一場有8784，昨日賣出102，第兩場有9556，昨日賣出32，以此速度，第二場若298.25日後會沽清，而第一場要86.11日，票房慘淡，尤其第二場，會否因此而取消呢？
聞說有歌迷曾計劃買平價飛再望到時唔滿可以偷渡到前排坐，如今看來奸計得逞，但作為歌迷，有此心態這樣的咒自己的偶像，無言……
聞說有歌迷曾計劃買平價飛再望到時唔滿可以偷渡到前排坐，如今看來奸計得逞，但作為歌迷，有此心態這樣的咒自己的偶像，無言……
- Jul 12 Wed 2006 21:49
煮野食
呢排鍾意玩煮野食，其實我一向都唔識煮野食，最叻都係煮公仔面，呢排突然間多O左個咁O既興趣，可能係睇得蘇絲黃多掛？！偶然搵D o野o黎煮下都幾開心呀，整得叻或整d好復雜o既o野實就無啦，目前都係簡簡單單低低能能果d，睇下自己有無心機鑽研落去?!好唔好食我都唔係好肯定，自己煮自己試，當然會加o左分比自己啦，好唔好食都唔係最重要，最重要係煮得開心食果陣都開心。
屋企乜工具都無，係時候要買下d cook book呀煮食工具咁先得。
屋企乜工具都無，係時候要買下d cook book呀煮食工具咁先得。
- Jul 12 Wed 2006 21:45
05台北演唱會
雖然台北演唱會要等到八月尾，但已經好急不及待，這幾天都在想著台北的幾天，然而想的不是演唱會的事，沒有在想ＳＬ會唱什麼歌會不會唱冷門歌，亦不是慶功宴會在那裡攪，ＳＬ住那個飯店等等……反正票已經買好，住那間酒店也沒所謂。反而在想白天要幹什麼呢，時間有限，幾年沒去台北了，好想去台北101，逛那個逛一世都逛不完的誠品，開始做買書list，(雖然多數找不到...)，吃什麼好東西，還想唱KTV，唱香港唱不到的蘇打綠、小美上張專輯的歌...etc
- Jul 10 Mon 2006 21:45
快樂
都係一個巡迴演唱會o者，唔明點解會有咁多是非，係我八卦，是有人真係有問題？還是每人心裡面都有陰暗面？
是與非，觀點與角度啦，人地志不在此，又可以怎樣？
可以睇唔過眼，睇唔過眼咪唔好幫人地law，整到自己嬲有乜為？
是與非，觀點與角度啦，人地志不在此，又可以怎樣？
可以睇唔過眼，睇唔過眼咪唔好幫人地law，整到自己嬲有乜為？
生活 (11)
