今朝番工，樓下巴士站經歷琴日o既所謂3號風球就變成咁，呢個3號風球仲恐怖過之前d 8號，天文台真係有趣！商字行頭o既香港，愈o黎愈不可理喻！
放工之後，WC請有免費戲飛益我同佢& TL一齊睇，九點半場o既魔蟲口入，睇之前去左麻布茶房食，間o野得個靚字，叫o左我鍾意食o既烏冬，得個碗大但唔多烏冬，d烏冬唔好食d湯都唔好味，間o野d網評好差，每個食評都係食物唔好味d服務又差(不過我唔覺服務好又唔覺好差o者)，但又係排哂長龍等位，個個都係食環境掛？次次同WH食o野佢選的話都係食呢類食肆，有外表無內涵o既食肆，靚或者出名就得，唔洗理好唔好食。hmm...我覺得好食重要d law~
琴晚失眠，大風大雨好似世界末日咁，咁大風都只係三號風球，究竟準則係點架？失眠對我o黎講係人間煉獄，無o野痛苦得過明明眼訓、想訓但又訓唔著，跟住個腦就亂諗o野，越諗越精神，跟住就愈黎愈大壓力好想買d訓著，偏偏去到呢個地步我只會變得更精神更無睡意更訓唔著！
通常，去到呢個地步我就會搵番雷光夏o既歌黎聽，佢o既歌佢把聲都好洗滌心靈，好似幫我reboot過自己咁，然後慢慢就訓著了，不過唔係次次都work...
因為同事放假，呢兩日都要做埋佢果份，真係做到我氣咳，佢今年都未放過大假咁濟，黎緊呢下半年度仲有十日八日我捱！台灣都唔知去唔去得成，年尾新加坡演唱會又殺埋黎，今年五個站就算了呢兩個站去，台北係呢幾個城市之中比較好玩的一城市，所以選擇，至於悶到死o既新加坡，選呢個地方只因為便宜，機票又平d、連演唱會都比其他站平d，如果唔係ＳＬ演唱會，我都唔會再諗去呢一個地方！
今日同烈女食野，成個月無見過佢啦，佢鬧情緒鬧o左成個月都有，失蹤+唔聽電話，係呢排先正常番，不過，今日好似佢有佢講，我有我講咁，諗諗下其實一路都係咁架啦，我講o既o野我講意見你又聽過幾多？不過，道理講就簡單，做又另一回事，我自己咪又係做唔到？
本黎睇好o左份生日禮物比SK做生日禮物，諗住今日去買，點知去到發現我想要果款竟然賣哂，又要諗過第二份……不過諗唔到睇唔o岩就唔送了…
八月份真係好多人生日，點解咁多人八月出世的呢？要問各大爹娘們了！
最近發現台灣有套未上o既戲《盛夏光年》，二男一女三角戀青春愛情片，認到個女主角係楊淇，即係203040同心潔好曖昧果個女仔，又即係梁祝下世傳奇果個阿祖前度女友店女仔，我睇203040果時已經覺得佢d戲好好，好搶鏡，攪到我好想睇呀！
果兩個男主角我唔知係乜水，今日先知原來佢個名叫張孝全，亦即係孽子入面個小敏。
因為工作關係，偶然要接觸下d咸碟，今日見到呢個封面，真係笑到肚痛！實情呢套係笑片定咸片黎架？
聽到這個消息有點錯愕，跟她算是認識，雖然只在msn偶然聊幾句，印象中她人很nice，而且很熱心幫忙！上海……簽書會緣慳一面，05香港演唱會她無緣來港看，我們最後還是沒有機會見面了嗎？現在只希望這消息是假的！
世事無常，你幫過我的我會永遠記得，祝您在另一個世界永遠快樂！
只是不相信這樣簡單的結束…
不太好軟硬，喜歡的歌手太多太多，有排未數到軟硬，沒有買其新碟，沒有看其演唱會。印象中，第一次聽軟硬的節目，節目名稱已想不起，只記得是一至五的夜晚時段，只記得他們一直在取笑german條粗腿，後來老人院時間每周六集集追，記得整蠱電話，I teach u in the spainsh way，林海峰扮米高積遜，敦富城唱兒歌，梅姐遲大到軟硬係咁播「在台上我覓理想」，某集之後新聞報導蘭桂坊人踩人慘劇，無聽ＳＬ做嘉賓那集，記得阿葛用整蠱電話把聲打去我屋企同我講阿哥今晚唔番屋企食飯，我好冷咁同佢講你係軟硬，佢即刻收線。
後來幼稚園只聽過一集，沒記錯是松松姐姐做嘉賓，低能到爆唔好聽唔好笑，以後就無再聽了。CD只買過廣播道fans殺人事件那隻，現在的軟硬，我只知新舊唱片公司都出炒賣碟，限量一千套cd boxset，送沙灘拖鞋太陽帽黎做咩？隻新碟明明大量出貨，點解間間cd舖都食水咁深？
有多久沒有夢裡見過你，以前一直好想夢中見，現在已經沒有這個念頭了，卻突然有這樣的一個你出現在這樣的一個夢裡，醒來之後立刻感到好驚訝，夢的內容卻想不起來，只記得有你的份兒！想想有多久沒有見過你？有多久沒有聽過你的聲音？多久沒有幫你慶祝生日了？
今天聽泳兒的新碟，聽到告白差點想哭出來，沒結果的事，仍有幾晚夢迴，這個夢迴是不是來得太遲了？我該把你放下了，你卻又在我夢中出現是怎樣？
曾經為自己的勇氣感到自豪，慶幸自己有這份勇氣，但不多久就後悔了，想想從來就沒有期望過什麼，做一世朋友，其實我已經好滿足！
ＳＬ話過今次演唱會繼續冷門歌，冷門歌的定義到底是什麼呢？未在香港plug過的就算是？plug過但不流行的算不算？上幾次演唱會唱紅了的冷門歌又算不算呢？
如果香港未plug過，plug過但不流行，計算有出過cd/dvd，刪去02演唱會開始已於演唱會唱過的，不計remix、純音樂、同曲不同語言版、和音，以及近兩張專輯只計算沒plug過的，結果ＳＬ會唱那幾首所謂的冷門歌呢？
成日同WHC講笑話要係blog到講哂所有ＳＬ迷的衰o野出o黎，其實，係人地唔好定自己小氣呢？好似歌迷會咁，佢好不滿副會長成日提議做o既o野，次次都係開o左個頭之後，跟住就失左蹤，做就你地做哂，佢失o左蹤乜都唔洗做。
佢咁講之後我先察覺到又真係咁喎，其實有乜所謂呢？比佢點到o既人又有幾多？一開始開會廿人，人數一次比一次咁減少，對上一次數數得番七個，其實唔係副會長話要開都唔知仲會唔會有機會開會？
今次o既釣墨魚活動聽講反應冷淡，都係果句，05香港演唱會熱潮已經過哂，而想識人o既又已經自己埋哂堆，歌迷聚會甚至呢個會仲有乜存在價值呢？
生活 (11)
