中年遊

維京時期三張國語專輯，三張都有出Karaoke VCD，可惜無出DVD，不過好過無…ＳＬ's是其中一隻！
雖然有d係cut live片段，但一隻碟做了七個mv，叫係咁啦！

第七場演唱會，七場之中最少歌迷的一天，氣氛目前最冷的一天，感覺ＳＬ唱得最不投入的一天，亦是最多人提早離場的一天！第一至六晚都沒有中場去廁所，是日卻冷得中場去一去，走出門口時職員問︰「請問仲會唔會番o黎架？」回來就派飛尾，或者前六晚太多人一去不回，所以才會咁問，這個演唱會真的趕走了不少街客！

記得這個演唱會前曾經有人問我這個07演唱會會否是ＳＬ的最後一次演唱會呢？當時我話起碼還會再開多次吧，現在，開始懷疑今次會是最後一次了！

ＳＬ今日一出場就有驚喜了，上半part換了新衫，幾靚，幸好是驚喜不是驚嚇，之前那條確實幾驚嚇上…

決定提早一天放假，因為太累太累了！
下午出發前和母親飲茶，好久沒陪她飲茶了…


然後出發去大角咀，維修燈帽，黑仔的我用了day 1之後就壞，終於到day 7才有空拿去修理，今晚又可以再用了！

雖然話過會買少d CD，但有D碟還是不得不買的


遲遲唔買奶茶新碟，終於比我恨到出第二版，有我勁鐘意的我很好MV，仲有二十分鐘我很好電影版、落跑新娘 & 訓練MV，正！

喜歡旅行的意義MV，導演訪問說過，MV尾段陳綺貞回眸一看的畫面，代表她決定放棄一些事情，於是回頭再看一次之前的事情，然後告別過去往前走，決絕得很瀟灑！

我曾經以為我可以…卻不知道為什麼還要拖拉著？

庸人自擾~~~

07香港演唱會 CD 今日出，lunch time出旺角碰碰運氣，十二點到達話未出，一點後先到貨喎，唯有去食lunch先，同行的人話想食炸頭腐，炸野咁激？我有俾面食o左一舊！

我自己叫的都唔好得去邊，咖哩牛腩，正！好香咖哩，仲要夠哂辣！

收工第一時間番屋企，即刻轉mp3，出街都可以係咁煲lu，轉快d得唔得？
今日仲買o左劉若英精選，見隻碟成本野咁估佢係notebook，咁要買隻o黎研究下啦！隻精選唔多精，買番滾石d歌但又會無最hit的後來o既？

最開心莫過於搵到特價 ＳＬ物事，唔洗幾多錢就買到心頭好！


許冠傑退休時，每間唱片公司都找旗下歌手翻唱他的歌，華納有《難忘您》合輯
ＳＬ就是翻唱了《難忘x》，幾年前華納無啦啦出版呢張碟o既Karaoke OK VCD，友人話難忘您MV有ＳＬ的片段，見so called特價緊係買番隻啦！

第六場，假尾場。事緣歌迷訂票初期只有一至六場，當時雖然大部份人估計會加場，而不會場場看只看尾場的人為免萬一，第六場還是先訂票，而後來，的確加場，還一加就四場共十場。一天比一天累，今天終於在公司斷片半個小時，為了不影響餘下的演唱會投入程度，決定提前於明天放假，要好好的休息一下了！

也許是放假前的心情，也許假尾場的一大堆歌迷，氣氛比昨天熱很多，感覺今日睇得幾開心！

今日ＳＬ把聲不錯，《哭》無唱錯歌詞，又唔沙，少了甩漏，近三場中最好的一場！

前陣子（即休blog期間），Sony推出日本壓製的新力四張ＳＬ大碟，出來出去都係呢四張，好悶！點解唔出混音EP點解唔出埋第一張album？因為得呢四隻當年有出過膠盒版CD，封面封底直接用o黎翻印唔洗再執過d design，幾無誠意！封面封底仲要用哥倫比亞版o黎翻印，當年係CBS版先係made in japan架喎，可能cbs版係炒碟，sony bmg點會比錢買隻炒碟翻o黎翻印呢？點解唔問歌迷借呢？不過問我都唔捨得借啦，會唔會一去不回架？


有幾敗家先？$60 x 4 x 2....

大年初一，最開心係唔洗去拜年亦無人o黎拜年！


要搵隻CD所以不斷東找西找(d cd放到周屋都係...)，搵番好幾隻莫文蔚，首張個人專輯，連唱片公司星光都摺o左七世~
我諗連Karen睇番都想笑

公司歲晚開倉大傾銷，最後一天比我搵到隻物事，2002年華納SACD，原價1??，特價15，正！唔理有無都要買啦！

近數年一到要做節的節日，同一家人都要做兩次節，點解會咁o架？

正日出街食，尤其年三十呢個團年飯，中菜一定難book位，今時今日經濟好似好好，d食肆更加理得你，細枱無得book，自己到時d等位啦唔該，仲要限時內交枱，為左準時交枱叫乜唔洗點等就上菜，食快餐咩？我就寧願食西餐，唔洗book都有位又唔會趕你走，開心！

今天之後就一半了…歌迷朋友今天到步，和她在emax喜善dinner，118鮑魚餐，有鮑魚有雲吞雞翅有燒味拼盤，四個人再可選四個小菜，份量大到似八人餐。

喝了杯啤酒，一天比一天累，一天比一天狀態差，我想我需要的是休想，然而不夠時間休息只好飲杯啤酒讓自己high點…

第五場演唱會，繼續相同rundown繼續無encore繼續唱完即閃！