中年遊

遠離了三姐一陣子之後，突然連續三日食三姐，中三姐毒乎？今日試了三姐分店︰九龍山莊，由三姐好姐妹Fiona主管(雜誌話Fiona於瑞士讀飲食課程喎~)


九龍山莊位於九龍仔公園內，名位公園山頂，實則前身公園泳池餐廳

相比將軍澳老店，用完即棄膠桌布改成布桌布，多了餐巾、薰衣草濕紙巾、小食、自選茶芥，走高檔路線乎？


menu封面一樣，只多了九龍山莊四字


菜式比老店多了數頁，亦多了「加一服務費」


招牌豉油雞，沒有例牌，最少要半隻雞，顏色深o左，話多了四種秘制材料，但難食過老店喎


鮮果香醋脆豬柳，明明是罐頭桃肉，何來鮮果？


涼瓜炒鮮牛，鮮牛咸到嘔，又話九龍山莊走清淡路線不加味精？同瑞士學成回來的Fiona姐講，佢即話換過碟~


粉絲蝦煲，Fiona姐可能想補鍋，即時走o黎話要撈下佢先好食，但…


佢一撈即時見d蝦"攞"哂喎，即時講句︰「呢d係鍋氣o黎架」，我就忍唔住講句︰「鍋氣唔係食出黎架咩？用眼睇架原來~」佢走開之後可能因為見我影相，驚我數臭佢？所以又回頭話換過煲比我…其實我都不介意d 蝦咁，學蘇絲黃話齋，粉絲蝦煲的蝦只係陪襯品，粉絲才是主角，不過你鍾意換就換la~


上訴一號︰涼瓜炒牛肉，牛肉依舊咸到出汁，苦瓜更係未煮透，比之前更失敗~


上訴二號︰明顯驚有「鍋氣」所以好快收爐，d粉絲仲未乾身，蝦的size縮水一半~另粉絲又係咸到出汁，又話強調清淡&無味精o既？

咁o既情況下我都不敢再encore我去食三姐必吃的雜菜炒年糕和辣酒煲仔麵了...


呢個後現代果盤真係作狀+笑爆肚，見隔黎枱十人份果盤時仲好笑10倍~或者係瑞士style果盤？


個裝修真係…蒙住眼帶我去我以為自己番o左大陸鄉村地方呀~~


好作狀呀！


窗外泳池境，成件事更好笑~


日頭原來變番泳池餐廳，哈哈哈! 夜晚有無餐蛋麵&奶油多先？


正門，注︰右下角有上鎖傘架，山卡拉地方邊個o黎偷傘子呢？


送多個「妖」比你

成件事錯哂！埋單比老店更貴，因為加一、收茶芥，汽水都貴老店一倍，世上所有分店都是如此拆招牌嗎？裝修作狀食物難食，選址奇怪，隔黎枱d 鮑魚仲會有個二打六侍應係你面前煮鮑魚，再隔黎枱個魚頭煲又係二打六侍應主理，打開蓋即傳燒焦「攞」味…一餐飯換七次碟，我剛剛吃完一件雞掉了一塊骨頭o 者，唔洗又換呀？leave me alone!

奉勸三姐，同你個好姐妹割蓆吧啦...

同場加映︰

上一次黎已經起碼十五、六年前，那次與童年玩伴游水，結果朋友嬉水撞崩牙。


11年了?!