中年遊

朋友說大埔街市有間好出名的隱世魚蛋粉，洪記好出名好好生意但永不接受雜誌電視訪問，每日好快就賣清光好早就收舖咁話喎。
我覺得雖然唔係好食到會飛，湯較淡，無或很少味精，細細粒的魚蛋亦是，o岩哂家陣食野清淡的我，可惜用了幼身河粉，又煮得淋了，無咬口！

上個星期台灣朋友來港，約o左去容記一齊食飯，四個人六碟小菜好似誇左d，出名還出名，其實除o左招牌菜燒豬之外都好一般！


招牌燒豬，塊皮脆卜卜，五花腩肉，正呀！

Wasabi蠔，OK喎，其實我幾鍾意食熟蠔，生的話咪攪我！
又真係幾新鮮，不過食到舊好多筋呀…

聞說又便宜又好味，不喜歡吃海鮮的我都話要去試試。

老闆娘真的很友善，訂了位早到佢話叫我去逛逛先，有位就call我，知道我們第一次幫襯又詳細介紹佢間野有咩好野食

訂左位都要等餐死，Ｙ無啦啦拿隻碟出黎影，我都唔好執輸
曬冷，三隻大過Ｙ一隻喎，呵~

只會被歌迷稱為女神的偶像誕生日，食日本菜去，其實與偶像生日無關，純粹巧合~


好少飲啤酒，從來都覺得酒精類飲品難飲，不明白會有人鍾意飲酒？！雖然如此都曾經劈過，但從未醉過，近年已好少飲啤酒，這一天突然好想飲番杯，點解呢？

朋友生日飯@喜萬年，1st choice明閣一日前打去已full了，原來咁full，臨時臨急想了很久才想到喜萬年…
豆腐海皇羹，食到有蝦有蟹有魚，都ok呀

@英記

粉仔又名油渣麵，大角咀英記的油渣麵很出名，個麵底真的好好味，不知算不算是現在最正宗的油渣麵呢？起碼不像mk是用烏冬做麵底啦，聞說數十年前的油渣麵的豬油渣脆卜卜，現在那裡也找不到脆卜卜的豬油渣了~~

朋友說深水埗有間飯店好正喎，相隔幾天就encore應該真的不錯吃吧。


迫人食的小吃，有青瓜和蒜頭，辣辣地幾開胃喎。
菜胆燉豬肺湯，超足料超清超有味

Ｇ兄Group B飯聚@銖記，好像每次銖記的陣容都差不多，今次是最人多勢眾的一次，好處是可以點多幾款小菜。

今次個雞翅好味過上次的菜膽翅，始終肉味先合我這個食肉獸的口味。

Ｇ兄Group A飯聚@Rice Paper，Ｇ兄來港支持偶像，打從某一天開始，每次台灣歌迷來港都會起碼吃兩餐(或以上)~~


得個靚字

FC睇場，下車後還要上斜
到了樓下還要再上斜，救命~~~

與朋友飯聚聊天，近來有意無意常到深水埗區食食食，上次是有意，今次是無意的，朋友介紹的增輝。


豆鼓鯪魚油麥菜，其實豆鼓鯪魚點解一定要配油麥菜？這樣的一碟菜究竟是健康還是比食肉更不健康？這碟豆鼓鯪魚太少了
椒鹽牛仔骨，第一次吃「椒鹽」味的牛仔骨，我只覺得太咸了，還是黑椒最好味！

與老師吃飯，借帶他去試試大牌檔為名，實際好想找個沒禁煙的地方吃晚飯（哈~~），兩個人空著肚子坐下叫了四個小菜捧著肚子走人。


家常便飯生炒骨
家常便飯魚香茄子煲

十年之前，每個星期都會去銅記上兩次課，每次都會去南記吃個什錦大窩米，課程完結後就很少再去吃南記了…

十年之後，再去南記，原來不知什麼時候南記已不在糖街了，麵的選擇比以前多了很多，十年後的什錦大窩米，價錢和十年前一樣，味道亦和以前沒太大分別，不算好好味又不算差，其實只是想吃回憶而已~~

聖誕節的意義是什麼，吃吃吃乎？


霸王雞，最好味是雞上的味精蔥

又開餐啦，同呢排o既喪食比，呢餐算濕濕碎~



黑椒芝麻炸豬扒，好玩多過好食

遠離了三姐一陣子之後，突然連續三日食三姐，中三姐毒乎？今日試了三姐分店︰九龍山莊，由三姐好姐妹Fiona主管(雜誌話Fiona於瑞士讀飲食課程喎~)


九龍山莊位於九龍仔公園內，名位公園山頂，實則前身公園泳池餐廳

SC約晚餐，佢指明要去三姐，OK啦~


蜜x鱔球，香口好味！