中年遊

除o左歌迷之外，可能無乜人會記得ＳＬ都拍過電影，或者因為演技o既問題，又或者亦因為無拍過叫座電影的問題啦！

1985年龍鳳智……係ＳＬ第一套做女主角的電影，雖然話係女主角，但好快就係套戲入面L o左，不過有得孖住哥哥拍戲，第一套做女主角o黎講叫做唔錯啦！

一年前諗過寫篇ＳＬ與哥哥的blog文，當時諗過一個問題︰ＳＬ同哥哥係套戲入面角色名係乜呢？問過d歌迷都唔記得，我自己都唔記得，睇番影碟碟底電影介紹就知答案了，ＳＬ係單眼皮，哥哥係張榮。


LD封面，其實套戲唔止兩個主角，LD卻只係用哥哥同ＳＬ

LD定價$720，當年LD係高消費品，租碟人多，但呢個價錢買o既人又有幾多呢？


LD係九一年七月發行？

大約六至八年前，有間屋村連鎖影碟舖賣好多特價全新或租過o既影碟影帶，此LD亦係其中一隻，全新未拆都只係十蚊，真係好抵！當時我買o左好多隻，送o下比人又有人話問我借隻碟黎睇，結果家陣只係得番一隻，唔係好捨得拆添…

P.S.問我借的那位小姐如果有可能的話會唔會考慮還番比我呢？