中年遊

唔係A小姐無啦啦話約食飯，我都唔係幾想於平日出街，仲以為佢會派紅色炸蛋添，點知原因原來係…早知唔好亂用我d quota啦，不過忽然有得食下野都開心o既。

其實我次次都攪唔清珠記同嫦記，只知朋友們都幫襯開其中一間，今日去到先知原來佢地訂了另一間，話比較下邊間好食d喎。


雞炖翅，原本想叫朋友訂清清地的菜胆翅，不過原來佢已經訂左雞炖翅了，咁就無謂轉啦，清甜o既雞翅係好味d o既其實，不過見到面頭層油…
炒蟶子，又爽又無沙，好味！


爦菜肉鬆四季豆，夠哂鍋氣，不過唔夠爦菜味同略咸


風沙雞，d雞肉仲無味過雞炖翅d雞，肯定係冰鮮雞啦，炸得又無珠記咁好味


砵酒焗生蠔，雖然D蠔好大隻但份量少o左D，我其實最鍾意食D洋葱


窩貼小棠菜，朋友話係蝦膠，上網睇D人話係花枝，我食唔出係乜，點都好"臨姐姐"真係好難食，三姐D好彈牙o既墨魚膠窩貼小棠菜好食好多！

埋單應該要找12蚊，嫦記借d意無找錢，你唔好理我會唔會比貼士先，點都要作狀找下錢先啦，嫦記有d唔老實喎！

E Family五減一後今次五減一缺一，如果有下次的話唔知會唔會又再少d人呢？