中年遊

好耐之前就已經知ＳＬ大陸歌迷有分北京幫同上海幫，唔知佢地仇恨有幾深，只知係分左兩派，事源今次南京演唱會原來有場刊，係演唱會前見到上海歌迷J，佢問我要唔要場刊，二十五元一本，不嬲大陸演唱會d場刊都係賣唔係派，咁二十五蚊本可以接受，雖然買時心中都有懷疑過J有機會係圖利，不過我唔介意，最緊要係擁有。後黎歌迷X話大陸ＳＬ論壇有罵戰，主要係北京幫指責有人圖利，d場刊原來係主辦免費派比訂飛的歌迷喎，係咁單單打打，雖然如果J真係免費拿番o黎又好，或者佢係真金白銀同工作人員買又好，首先唔係佢我都唔會有機會擁有，另外如果佢有從中圖利可能係好多人心中都有點不滿，但北京幫借勢玩單打暗串，都唔見得好正義o者。
北京幫無錯係搵到一疊場刊免費分派比歌迷，不過無派過比港台歌迷喎！呢樣野我又覺得無乜問題，講到尾人本性就係自私，有好野我都會留o左比自己o既朋友先啦！

萬惡原來係慾為首，分黨分派，單單打打，鬥過你死我活，大家都係為o左ＳＬ，為o左演唱會的好位置，為o左ＳＬ o既一d珍藏物品…etc

ＳＬ o既歌詞講過︰「得和失原來是硬幣的兩面，只是它剛好落在了這一邊」作為ＳＬ歌迷又做唔做得到？有無係ＳＬ o既歌領會過什麼？