世界盃+暑假期間實不該去唱k,又貴又唔會唱得耐,但果舖唱k癮比人勾起o左,兩粒鐘就兩粒鐘啦!
淘大綠盒,貴就貴過平時,但竟然唔趕客喎,SLo既歌唱左Diva、沒結…、無…同至少………,02年出安可時成日都好想係k唱Diva,但諗諗下05香港演唱會dvd出之後到今次我先第一次係k到唱炸喎!最正係無…02版,比我一眼搵到阿邊個邊個,果時都仲未識佢,而果時識o既仲一齊睇o既朋友反而依家好似唔識咁。

SLo既歌迷特質掛,05之後組織起o黎,到下次香港再開演唱會時,呢班人同呢個組織唔知散左未呢?

攪到係屋企睇番02演唱會DVD,咁多個演唱會,我都係最鍾意呢個,回憶加o左分,由一班人走去排隊買飛、睇足四晚、日日深宵先番屋企、歌迷夾錢賣廣告、影果d手渣encore cd相、及後去下巡迴、上左杭州o既電視、演唱會整果個唱片封套牌、仲記得SL係新加坡演唱會升上台果刻見到d牌呆o左果半秒,慶功宴影o左張好正o 既合照,同埋原來睇演唱會影下d歌迷朋友o既瘋狂樣仲正過影台上面o既SL,呢d回憶,我諗都唔會再有。





果年已經係我最like佢o既一年,惜過不了02,及後無以為計,HKPO同05我都無乜感覺lu!

下次香港演唱會,會係幾多年後o既事呢?

    全站熱搜

    小塵埃 發表在 痞客邦 留言(0) 人氣()