台北三日兩夜,早機去晚機返用盡每一分每一秒,九點機零晨五點起床,五點半出門,無辦法住係呢d鬼地方,只有E線巴士到機場,車資雖然便宜但車程長,每次至少個半小時,真係會坐到暈車浪,每次都跟自己講坐埋今次下次唔好攪,但想著拖著行李轉車咁煩,又只是快得唔係幾多時間,都係算把啦,接受命運!
七點,天光,到達機場,車程竟然比想像中快了,或者我以後都坐早機算啦!
"蚊"朋友衫尾,入左去國泰Business lounge食早餐
望住飛機食早餐,都幾開心呀
豆漿生煎包橙汁,唔洗錢我唔會要求咁高
其實仲有其他野食,不過未離開香港,唔好咁放縱lu
我最想食生果,去旅行實無乜機會食生果,有得唔洗車緊係食多d 啦,無啦啦有一大個蘋果,不過個樣咁樣,我都係唔食la
好彩仲有d 切好o既生果,食o左三份…
幸運地,竟然upgrade到商務倉,看來運氣不錯喔,當然也是人為因素的運氣啦
空間夠哂大
做下善事都係件好事,雖然唔知有幾多巴仙變為行政費
早餐係點心,咁吸引當然又要食啦…
致命鵪鶉蛋燒賣,當然挑左粒鵪鶉出o黎唔食啦
好好味o既珍珠雞,可唔可以食多三件?
狂風掃落葉,只係食剩半舊木瓜同粒鵪鶉蛋
其實不太喜歡坐飛機,短短o既香港到台北我都唔係幾耐煩,呢程機,卻好想坐耐d,比多幾餐我食啦…
未到台北就已經放縱地食了兩餐早餐,今次都注定變豬人生活。
全站熱搜
留言列表