29 Apr.同FC一齊bbq,好彩Y開車去,咁我又有車接送啦,最正係坐佢車又可以係咁煲煙。佢已經好少用架車,所以我估佢實無SL聽啦,我好神心咁燒咗隻SL精選聽吓,隻碟我好認真咁選歌,不過唔知點解最後變咗都市精選咁…

Y問我洗唔洗接埋失蹤咗好耐的D喎,我話你鍾意啦,不過我心估佢都唔去多,連最想見佢果個人都可以話失蹤就失蹤,我地都唔會有乜機會再見到呢個鍾意出現就出現但出現又無乜建設性唔出現又唔會單聲的所謂幹事啦,哈哈~接埋N小姐,A小姐同佢仔仔後就準時到達小欖燒烤樂園,去到時另一車人已經到咗仲入埋去,我地係門口想入場時有個女仔問我地係咪歌迷會,我認得佢個樣啦,其實好多歌迷我都唔識但係演唱會、簽名會、SL的活動等撞口撞面來來去去都係果D人都認得好多係咪歌迷啦,原來她在門口等我們,我都奇怪阿會長做咩入咗去唔係樹等人,佢話D人黎度就會CALL佢喎,傻架比d誠意係門口迎下賓都好啦,已經好難得有人黎,所以我成日話,想識歌迷的一早已埋哂堆,會再黎的都係想見偶像,咁無偶像出現的so called聚會仲需唔需要呢?

最初四月份的gathering話bbq係我諗的,純粹係我好想bbq,今日好有心機燒,所以係咁燒雞翼,上次m小姐燒過隻比我真係燒得好好味,有個standard比我跟,燒到又脆口又無燒焦為之正呀~


當然m小姐又自帶咗正野嚟啦,蝦一大盒,肯定唔平啦,可惜魚蝦蟹識係海游的我都唔鍾意食。

小欖燒烤樂園都唔錯,六十八蚊算便宜,交通都算方便(我見d紅van專登車埋入黎門口比d客落),環境又不錯,又多野玩,唔怪得咁好生意啦,我見d夾公仔機有軍曹,兩蚊夾一次咁平都有夾下,但係次次夾到上黎就跌番落去,算吧啦…


燒到差唔多,突然話有抽獎,原來台灣歌迷N寄左幾隻一個人單曲黎比我地玩抽獎,當然比d會員抽完先到幹事啦,三隻到幹事抽時已經剩番一隻,A小姐叫佢仔仔幫佢抽,點知一抽就抽中了,佢好開心呀,A小姐都算係儲下SL物事的人,雖然無刻意追求,但見佢都會將d雜誌報紙keep係folder,有個box裝住 d cd,所以佢抽到我都鄧佢開心呀,雖然我連抽的機會都無…

之後我地去了深井發記食甜品,我叫了楊枝金露,又貴又唔好食,d芒果唔當造都唔洗咁酸掛,虛有其名~

本來以為要自己坐車番屋企,因為Y原本話之後有野做,但臨時又話取消了,咁我又可以痴車坐啦~~

arrow
arrow
    全站熱搜

    小塵埃 發表在 痞客邦 留言(0) 人氣()