今朝起身先發現又落雨啦,仲以為雨季咁就過o左~~

以前好鍾意雨季,年少多愁善感,大過o左就好實際咁諗,落雨要帶多把傘出街,好差煩!落雨濕濕又好多地方都唔去得,上次去迪士尼撞正落雨,其實都幾掃興,好彩九月前仲有得encore,下次去果陣唔好撞正落雨就得啦!


好似話七月有新遊戲,加埋暑假,迪士尼會唔會鬼死咁多人?自私心態寧願無人去,至憎排隊同等!

家姐姐夫難得番屋企食飯,好日唔黎阿姐夫帶埋感冒菌o黎,真係多哂!

今朝起身發覺把聲性感o左,即係中招!唔知會唔會因為咁已無lala多左日假期呢?

近日公司lunch time常發現廁所常滿問題,經過連日研究,發現有某同事每日lunch time都常註廁格內,好邪!

每日匿係廁所一粒鐘,究竟佢係入面攪乜呢?

今日開始地獄周,忍呀忍呀!
arrow
arrow
    全站熱搜

    小塵埃 發表在 痞客邦 留言(0) 人氣()